A fesche boarische Tracht, oiwei oiß im Griff und saggrisch gern für Eich då!

Wer koa Lust håd auf Selbstbedienung, laßt se oafach bewirtn. Unser freindlichs Personal ghört zum Augustiner-Keller wia 's Bier und de Gmiatlichkeit. Dees kennts auf oan Blick erkenna: A fesche boarische Tracht, oiwei oiß im Griff und sàggrisch gern für Eich då. Bstellts oafach wås Eia Herz begehrt. Und genießts de bayrische Gastlichkeit bequem im Freien.

Im Bedienungsbereich ko ma aa de berühmtn Stammtische findn. Mittlerweile 154 an der Zahl. Vui Stammtischrunden treffa se då scho seit Jahrzehnten. Und jede håd ihre eigne individuell gestaltete Tischplattn, de sie säjba pflegt und de im Winter ejglagert werd. Ned selten find ma an de Stammtisch Kuriositäten wia z.B. an Blitzableiter oder aa Vereinskasse.