De Selbstbedienung

Ebbs Neis

Tagesgericht

Då finds unsre aktuellen Tagesgerichte als PDF

Veranstaltungen

Då habts an Überblick über unsre aktuelln Veranstaltungen

Circus Krone

CIRCUS KRONE, der größte Circus der Welt in direkter Augustinerkeller-Nachbarschaft!

15.07.2025
Da Biergartn is auf

Gutscheine Eventkonfigurator Flashmob Video Menüs & Bankett Speisen & Getränke

15.07.2025
Unsa Biergartn is heit für Eich auf

Wenn de Glockn läut, hoaßt dees, dass aa neis Faßl ogstocha worn is!

Brezn, Hendl, Obazda, Ràdi, Wurstsalat oder Steckerlfisch

Oiwei wenn da Schankkellner mit da Glockn läut, is aa neis Faßl ogstocha worn. Wenn im Sommer sWeda bassd, hört ma de Glockn natürle oft läutn. Ma muaß aa wißn, im Biergarten vom Augustiner-Keller werd da beliebte Edelstoff ausgschenkt. Und zwar ausschließlich frisch zapft vom Holzfaßl. Meistns san des „Hirschn". So nennt ma de 200-Liter-Faßl, des 100-Liter-Faßl hoaßt „Sau“ und der „Hås“ fasst 15 Liter. „Ozapft“ werd aufm „Gànter“, und zwar mit einem „Schlegl“. Ob Sie dees oiß wißn miaßn? Ja mei, schådn duads gwieß ned. Und vielleicht is mit dera Erkenntnis da Biergenuß sogar no aa wengal gressa.

In boarische Biergärten iß da Brauch, dass ma Brotzeit säjba mitbringt. Dees is im SB-Bereich vom Augustiner-Keller aa a so. Allerdings schwörn då vui Gäst aa auf de bärign Gerichte von unsre Schmànkerlgassn, dee soitns unbedingt amoi probiern. Resche Brezn zum Beispui, fantastische Butter-Hendl mit Petersui gfuit – herrlich saftig und knusprig, an frischn Obazdn, Ràdi oder aa an Wurstsalat. Und ned zu vergessen: De berühmten Steckerlfisch von da Fischer-Vroni, dee gibts fei bei uns aa. Mia wünschen Eich an guadn Appetit!

Übrigens

De wunderbarn Kastanien stehnga ned zufällig im Biergarten. Sie sàn pflanzt worn,
damit eahna Schatten den Boden und dadurch des im Eiskeller glagerte Bier zusätzlich vor Erwärmung schützt. 45 der über 100 stattlichen Baam stehnga heit unter Naturschutz und sàn nummeriert.

Hinweis auf Aussprache:
Ein aa oder ein à = helles a wie z.B. für Ràdi, Kàs oder Hàferl oder auch staade Zeit.
Ein å = dunkles/offenes a, fast wie o klingend, wie z.B. Sålåt, i måg di, åfisln und Ståd.
Im Wort Mågntràtzàl, kann man den Unterschied der beiden a besonders gut erkennen!